மிட்டாய் வாங்கலியோ மிட்டாய் ...!

சமீபத்தில் ஊர் சென்று வந்தேன் . கிட்டத்தட்ட அறுநூறு கிலோமீட்டர் பயணம் . வீடு வந்து பேக்கை பிரித்து பார்த்தால், கிட்டத்தட்ட  பத்து பதினைந்து மிட்டாய் . ஆரஞ்சு மிட்டாயில்  ஆரம்பித்து , டைரி மில்க் வரை வகை வகையாக, கலர் கலராக . நாலைந்து முறை ஊர் போய் வந்தால், ஒரு மிட்டாய்க்கடையே வைக்கலாம் போல . இப்பல்லாம் சூப்பர் மார்க்கெட்டில் ஆரம்பித்து பெட்டிக்கடை வரை, மீதி சில்லறைக்கு பதிலாக மிட்டாய்  தான் தருகிறார்கள் . போனவாரம் ஒரு மெடிக்கல் ஷாப்பில், ஐந்து ரூபாய் சில்லறைக்கு பதிலாக ஒரு க்ரீம் பிஸ்கட் பாக்கெட்டை கொடுக்கிறார் கடைக்காரர். நல்ல வியாபார உத்தி . இப்படியே மிட்டாயா கொடுத்து, கொடுத்து எல்லாரையும் சர்க்கரை வியாதிக்காரங்களா மாத்தீடுவாங்க போல . அப்ப கூட  சர்க்கரை வியாதிகாரர்களுக்கு சுகர் ஃபிரி மிட்டாய் கொடுத்தாலும் கொடுப்பார்கள் . நல்லா பண்றாங்கடா வியாபாரம் .

அரசுப்பேருந்து கழகத்துக்கு ஒரு அன்பான வேண்டுகோள் :

ஆளுக்கு ஆள் மிட்டாய் கொடுக்குறாங்க . நீங்க ஏங்க பாஸ் ட்ரை பண்ணகூடாது..? ஒவ்வொருமுறை பஸ் ஏறும்போதும் பக்கு பக்குன்னு இருக்கு, சில்லறைக்காக என்னென்ன ஏழரை நடக்கப்போகுதோ என்று . ஒவ்வொரு கண்டக்டர்கிட்டயும் பணப் பையோட சேர்த்து ஒரு மிட்டாய்ப்பையும் கொடுத்தனுப்புனீங்கன்னா கசப்பா இருக்க எங்க பயணம் இனிப்பா இருக்கும்ல .

( என்னாது..! , அரசுப்பேருந்து கழகத்துக்கு மிட்டாய் வாங்கியதில் ஆயிரம் கோடி முறைகேடா .......?

ஐயா சாமிகளா...! ஆ....ணியே புடுங்க வேண்டாம்... முடியல ..! )