பேசாத வார்த்தைகள் : இன்லேன்ட் லெட்டர் ...!

கைப்பட ஒரு கடிதம் எழுத வேண்டிய சூழ்நிலை சமீபத்தில் . கொரியர் மூலம் அனுப்பலாம் என்று முடிவு செய்து , A 4 SHEET , கவர் எல்லாம் வாங்கி கொரியர் ஆபீஸ் போனால் , அங்கு ஏகப்பட்ட  நிபந்தனைகள் ,  குறைந்தபட்ச கட்டணமே முப்பது ரூபாயாம் . ரிமோட் ஏரியாவாக இருந்தால் தபாலை பட்டுவாடா செய்வதற்கு குறைந்த பட்சம் மூன்று நாட்களாகுமாம் அடுக்கிக்கொண்டே போனார் ஊழியர் .... போங்கடா நீங்களும் உங்க கூரியர் சர்வீசும்னு சொல்லிட்டு அஞ்சலகத்தை நோக்கி அடியை போட்டேன் .

பல வருஷம் ஆகிடுச்சு போஸ்ட் ஆபீஸ் போய் . தடை உத்தரவு போட்ட கிராமத்தில் கூட ஏழெட்டு காவல்துறை தலைகள் தென்படும். நான் நுழைந்த போஸ்ட் ஆபீஸ்ல நாலே பேரு . அந்த நால்வரும் போஸ்ட் ஆபீஸ் ஊழியர்கள்ன்னு நான் சொல்லி உங்களுக்கு தெரிய வேண்டிய அவசியமில்ல .  

வழி மேல் விழி வைத்து காத்திருந்தவரிடம் ஒரு இன்லேன்ட் லெட்டர் கேட்டு பத்து ரூபாயை நீட்டினேன் . சில்லறை இல்ல தம்பி நாலா வாங்கிக்குங்களேன்னு சொல்லி கல்லாவை திறந்து காட்டினார் . கல்லா காந்தித்தாத்தா தலையை போலவே இருந்தது . போஸ்ட் கார்டு இருக்கான்னு கேட்க நினைத்து , இல்லன்னு சொல்லிட்டா மனசக்கு கஷ்டமா ஆகிடுமேன்னு கேட்கமாலே வந்துவிட்டேன் . ஏன்னா , போஸ்ட் கார்டுக்கும் எனக்கும் ஏகப்பட்ட நெருக்கம், அதைப்பத்தி தனியே ஒரு பதிவெழுதி ஹிட்ஸ் தேத்த வேண்டும் , so , அது தனியா வரும் J.

இந்த இடத்துல ஒரு சின்ன பி.பேக்...

பால்யத்தில் இன்லேன்ட் லெட்டரை பற்றிய என் அபிப்பிராயத்தை நினைத்தால் சிப்பு சிப்பாக வருகிறது . இங்கிலாந்து லெட்டர் என்பது தான் திரிந்து பேச்சு வாக்கில் இன்லேன்ட் லெட்டர் ஆகிவிட்டதாக வெகு நாட்கள் நம்பியிருந்தேன் . இங்கிலாந்து நாட்டுக்காரங்க நம்மை ஆண்டுகொண்டிருந்தபோது கொண்டுவரப்பட்டது என்பதினால் இந்தப்பெயர் வந்தது என்று எம் அறிவுக்கூட்டத்திடம் சொல்லி அதை ஞாயப்”படுத்தியதும்” உண்டு , நமக்கு வாய்த்த அடிமைகளும் அதை நம்பினார்கள் . ஐந்தாம் வகுப்பில் அடுத்த ஊரில் இருந்து புதிதாக வந்து சேர்ந்த ஒரு தேர்ந்த அறிவாளி , எங்கள் நம்பிக்கையில் பலமாக ஆணி அடித்தான் .... ! அதாகப்பட்டது அந்தக்காலத்துல எல்லாரும் இங்க்  பேனாவுலதான் எழுதுவாங்க , SO , இங்க் லெட்டர் தான் மருவி இங்கிலாந்து லெட்டர் ஆகிவிட்டதாக சொல்லி நம் அடிமைக்கூடாரத்தை காலி செய்துவிட்டான்

.

இந்த இன்லேன்ட் லெட்டர் இருக்கு பாருங்க , அதை அவ்வளவு எளிதாகவெல்லாம்  மடித்துவிடமுடியாது .நிச்சயமாக தனித்திறமை வேண்டும் . அதைவிட இரண்டு மடங்கு திறமையும் , லாவகமும் பிரிப்பதற்கு வேண்டும் . பெரும்பாலும் நான் பிரித்த லெட்டர்கள் எல்லாம்  , சரளாவிடம் அடிவாங்கிய வடிவேலுவைப்போல நாராசமாய் கிழிந்து தொங்கும் . சேதாரம் இல்லாமல் பிரித்ததே இல்லை .

ரெம்ப சல்லிசான பைசா ங்குற ஒரே காரணத்தினால் வீட்டில் எப்பொழுதும் தகவல் தொடர்புக்கு பயன்படுத்துவது அஞ்சல் அட்டைதான் . போஸ்ட் கார்டுல  இருக்குற மிகப்பெரிய குறை பிரைவசி.  மிக முக்கியமான விசயங்கள் இருந்தால் மட்டுமே இன்லேன்ட் லெட்டர் வாங்குவார்கள் . இன்லேன்ட் லெட்டர்ல எழுதுறதே ஒரு தனி பெருமை , போஸ்ட் மாஸ்டர் நிமிர்ந்து பார்த்து லெட்டரை  ஐ கொடுப்பதில் இருந்து , போஸ்ட் பண்ற வரைக்கும் ஒரே குதூகலம்தான் .

போஸ்ட் பண்றதுல இருக்குற ஒரே சிக்கல் , போஸ்ட் பாக்ஸ் இருக்கும் உயரம் . எங்க கிராமத்தில் போஸ்ட் பாக்ஸை ஐந்தடி உயரத்தில் தான் வைத்திருப்பார்கள் . ஏன்னா, பழைய ஸ்டாம்புகளை தரலைன்னு சொல்லி போஸ்ட் மேன்/மாஸ்டர் மேல இருக்குற கோபத்தை  எங்களை மாதிரி சமத்தான பசங்கள் போஸ்ட் பாக்சிற்குள் கல்லு மண்ணு போட்டு காட்டுவோம் . இன்னும் ரெம்ப சமத்தான பருத்திவீர பசங்கள் தவளை , ஒனான்னு போட்டு போஸ்ட் பாக்ச ஒரு மினி மி.க.சா யாவே மாத்திடுவானுங்க .

So , போஸ்ட் பண்ணுவதற்கு மற்றுமொரு சமத்தனோ , இல்லை சமத்தனாக இருந்து இப்ப அட்வைசர் ஆறுமுகமா மாறியிருக்கும் யாரோ ஒரு அண்ணனின் உதவியோ தேவை . எப்பவும் போஸ்ட் பண்ண பிறகு உள்ள கைய விட்டு ஒரு ஆட்டு ஆட்டி , ரெண்டு சைடுலையும் ஒரு தட்டு தட்டுனாத்தான் ஒரு திருப்தி இருக்கும் . சமயங்கள்ல ரத்தம் பார்த்த கடிதங்கள் கூட உண்டு J

இந்த இடத்துல பி.பேக் முடியுது ....!

பழக்க தோசத்துல போஸ்ட் பண்ண பிறகு உள்ள கைய விட்டு பார்த்த என்னைய போஸ்ட் ஆபீசர் முறைக்கவே , வழிந்துவிட்டு ஓடியாந்துட்டேன் .

இப்போ எனக்கு வேறொரு பிரச்சினை , மீதம் உள்ள மூன்று கடிதங்களும் தங்களை உயிர்ப்பிக்க சொல்லி ஓயாமல் தட்டிக்கொண்டே இருக்கின்றன மேசையை . முகவரியை தேடிக்கொண்டே இருக்கின்றேன் நான் . உங்களில் யாருக்கேனும் உங்களுடைய பால்யத்தின் பரவசத்தை அனுபவிக்கவேண்டுமேன்று விருப்பமிருந்தால் பின்னூட்டத்தில் உங்களது முகவரியை சொல்லிச்செல்லுங்கள் . பரவசம் பத்திரமாக அனுப்பிவைக்கப்படும் இன்லேன்ட் லெட்டர் வழியாக ....!

பி.கு: ஆச்சர்யமான விசயம் என்னன்னா , சனிக்கிழமை மதியம் போஸ்ட் பண்ண லெட்டர் செவ்வாய்க்கிழமை காலை உரியவரிடம் சேர்ப்பிக்கப்பட்டுவிட்டதுங்குறதுதான்  . இரண்டரை ரூபாயில வேலையும் முடிஞ்சுடுத்து . ஜீவன் ஹேப்பி அண்ணாச்சி J.

என்றென்றும் புன்னகையுடன் J

ஜீவன்சுப்பு .

கணினி கற்ற கதை ...!

தொடர்பதிவில் எம்மைக் கோர்த்துவிட்ட “ஸ்பை” க்கு ஒரு கொட்டு ....!

முட்டையப் பார்க்கும்போது உங்களுக்கு என்ன ஞாபகத்துக்கு வரும் ...? எனக்கு C ++ பாடம்  தான் ஞாபகத்துக்கு வரும் ...! ( ஏன்னு ல்லாம் விலாவாரியா சொன்னா , எம்மேல் நீங்க வச்சுருக்க கொஞ்சநஞ்ச  மரியாதையும்(?) மானாவாரியா மண்னைக்கவ்விரும்...! ஸோ... நீங்களே யூகிச்சுக்குங்க).  

இரண்டாயிரத்தின் ஆரம்பத்தில், அறந்தாங்கி பாலிடெக்னிக்- கணினி செய்முறைக்கூடத்தில் தான்   கூட்டத்தோடு கூட்டமா , எதுவுமே செய்யாம எட்டி நின்னு எக்கிப் பார்த்தேன் . அதுதான் கன்னி  கணினி தரிசனம் . கணினியே தொடாம C,C++ லாம் படிச்ச(?) பாக்கியவான் அடியேன். கல்லூரியில் பசையுள்ள பசங்கல்லாம் தனியா கணினி வகுப்புக்கு போயி , பேருக்கு பின்னாடி என்னென்னமோ எழுதிக்குவாங்க ...! மெயில் ஐடி வச்சுருக்கவனை எல்லாம் , மெர்சிடிஸ் கார் வச்சுருக்கவன பாக்குற மாதிரி “ஆ” ன்னு  பார்த்த நாட்கள் அவை .

அப்புறம் படிச்சு முடிச்சு பெங்களூரு , சென்னை , கோவை , திருச்சி , திருப்பூருன்னு நாலு வருசத்துல அஞ்சு ஊருல வேல பாத்து, மறுபடி  கோவை யிலேயே செட்டிலானவரைக்கும் கம்ப்யூட்டருக்கும் நமக்கும் காத தூரம் . சொந்த பந்தமெல்லாம் கம்ப்யூட்டர் படிக்கலையா , கம்ப்யூட்டர் படிக்கலையான்னு கெடக்கிற கேப்புல எல்லாம் கிடா வெட்டி, கம்ப்யூட்டர ஒரு விரோதியாகவே ஆக்கிப்புட்டாங்க .

இரண்டாயிரத்து ஆறு வரைக்கும் கம்ப்யூட்டர் ல , “கண்ட்ரோல் ஆல்ட் டெலிட்” கூட தெரியாது . வேற வழியே இல்லாம கடசில கம்ப்யூட்டர் தெரிஞ்சுக்கவேண்டிய நிர்பந்தம், இல்லாங்காட்டி வேல பணால். அப்றமென்ன இப்ப வரைக்கும் கம்ப்யூட்டர் கத்துக்கிறேன்னு ஒரே அட்ராசிட்டிதான்....!

சீனியர் இல்லாத ஒரு நாள்ல , ஜி.எம் ஒரு புரெடக்சன் ரிப்போர்ட் கேக்க , நான் word னே தெரியாம அத ஒப்பன் பண்ணி கால்குட்டேர் லையே கணக்குபோட்டு எடுத்துட்டு போனேன் . பாத்தோன்ன பாரட்டுவாருன்னு பாத்தா பிராண்டிட்டாரு ....!

என்னய்யா ரிப்போர்ட்டு இது ...? தப்பு தப்பா இருக்கு ...! போ... போயி எக்சல் ல போட்டு எடுத்துட்டு வா ன்னு தொரத்திவிட்டுட்டாறு ...! என்னடா இது லூசுத்தனமா இருக்கு , எக்சல்ல்ல லக்கேஜ் வேணா போடலாம் .... எப்டி ரிப்போர்ட் போடமுடியும் ...? நமக்கு எக்சல்லும் ஓட்டத்தெரியாதேன்னு சொல்லமா கொள்ளமா ரூமுக்கு ஓடியாந்துட்டேன் . மறுநாள் சீனியர் சொல்லி தான் எக்சல் ண்ணா என்னன்னே தெரிஞ்சுது ...!

மொத மொதல்ல பிரின்ட் அவுட் எடுத்தது அத விட பெரிய காமெடி . வேறோருமொர, அதே ஜி.எம் மீட்டிங்க்ல  இருக்கும்போது ஒரு WORD FILE ல ஒரு பார்ட்டியோட பேர சொல்லி , அந்த டீடெயில பிரிண்ட் எடுத்துட்டு வான்னும் ,அர்ஜன்ட் ன்னும்  சொல்லிட்டு போன வச்சுட்டாரு. சரி பிரின்ட் அவுட் தானேன்னு நானும் பிரின்ட் கொடுத்து எடுத்துக்கிட்டு இருந்தேன் . ஒரு பத்து நிமிஷம் இருக்கும் பாதி மீட்டிங்க்லேயே பாஞ்சு வந்தாரு நம்ம ஜி.எம்மு ...

“என்னய்யா பண்ணுற ...?”

“பிரின்ட் எடுத்துட்டு இருக்கேன் சார் ... “

நாப்பது பக்கம் வந்துருச்சு , இன்னும் பத்து பக்கம் வந்தா நீங்க கேட்ட பார்ட்டி டீடேயிலு வந்துரும் சார்ன்னு சொல்லி முடிக்கவும் , அவர் தலயில அடிச்சுக்கவும் சரியா இருந்துச்சு ...!

கம்ப்யூட்டர்ல , ஒவ்வொரு எழுத்தா டைப்பண்ணிட்டு இருக்கும்போதே சட்டுன்னு , அய்யய்யோ U வக்காணூம் , E காணும்னும் , கேணியக்கானும்ங்குற மாதிரி நா போட்டு வச்சுருந்த ரிப்போர்ட்ட காணும்ன்னு அப்பப்போ  EDP STAFFS ச கலவரப்”படுத்துன” நாட்கள் லாம் மறக்கவே முடியாது .

ஒரு முறை ஊருக்கு போயிருந்த போது, சொந்தக்காரர் ஒருத்தர் என்னோட வேல , சம்பளம் , படிப்பெல்லாம் பத்தி விசாரிச்சுட்டு இருந்தாரு . நானும் சொல்லிட்டு இருந்தேன் .

“இந்த சம்பளத்த வச்சு என்ன பண்றது” ...? “ஆமா ஒனக்கு கம்ப்யூட்டர் தெரியுமா ...?”

“கொஞ்சம் , கொஞ்சம் தெரியும் மாமா ...?

“ம்ம்ம் ..! M.S. OFFICE தெரியுமா ...?”

“தெரியாது மாமா ...”  

இதோட நிறுத்திருந்தா அநியாயமா அவர் என்னோட பேசுறதையே நிறுத்திருக்க மாட்டாரு ...!

அடுத்து நாங் கேட்ட கேள்வி இதுதாங்க ...!

“மாமா ! M.S. OFFICE கோயமுத்தூர்ல எந்த ஏரியாவுல இருக்கு .....?”

“...........”

ஒன்னு முறையா படிச்சுருக்கோணும் , இல்லாங்காட்டி சின்னவயசுலே இருந்து கம்ப்யூட்டர் அறிமுகமாயிருக்கோனும் ரெண்டுங்கெட்டான இருந்தா பெரும் பாடுதான்  ....!

தத்தி, தத்தி இதோ இப்போ வலைப்பதிவு வரையிலும் வந்துருக்கேன் ... அதுக்கு முக்கியமான காரணம் நா வேல பாக்குற நிறுவனம் , என்னோட சீனியர்ஸ் , சக நண்பர்கள் , பத்திரிகைகள் . இதோ இத வாசிச்சுட்டு இருக்க நீங்க .... எல்லாருக்கும் ரெம்ப நன்றிங்கோ ......!

  

ஏதோ, அஞ்சு பெற கோர்த்துவிடனுமாமே ....! இன்னும் எழுதாமா யாருனாச்சும் இருக்கீங்களா ...? நல்லாருப்பீங்க நீங்களா வந்து மாட்டிக்குங்க மக்களே....!

என்றென்றும் புன்னகையுடன் ...

ஜீவன்சுப்பு .

ட்வீட் அல்ல டவுட் ...!

மாயி படத்த இப்ப எடுத்துருந்தா , “வாம்மா மின்னல்”ங்குறதுக்கு பதிலா “வாம்மா மின்சாரம்”னு சொல்லிருப்பாய்ங்களோ..?

பாத்து பாத்து , தேச்சு தேச்சு குளிச்சாலும் , குளிச்சு முடிச்சு கண்ணாடிய பாக்கும்போது காதுமடல்ல சோப்பு நுரை பொங்குவது எனக்கு மட்டுந்தானா..?

“மாதக்கடைசிகளில் மனைவியை சமாளிப்பது எப்படி”ன்னு யாருன்னாச்சும் புக்கு எழுதீருக்காங்களா...?

“ஊர் உலகத்துல எவ்ளோவோ பொண்ணுங்க இருக்கும்போது நா மாட்டும் ஏன் ஜெஸ்சிய லவ் பண்ணுநேங்க்குற” மாதிரி , ஊர் , உலகத்துல எவ்ளவோ கோவில்கள் இருக்கும்போது ,ஏங்க எல்லாரும் திருப்பதிக்கும் , திருச்செந்தூருக்குமே போறாங்க ...?

டவுட் டவுட் டவுட் ....!

என்றென்றும் புன்னகையுடன்...

ஜீவன்சுப்பு 

ஞானும் பயணக்கட்டுர எழுதப்போறேன் ....!

வலையுலகில் இது பயணக்கட்டுரை மா....த........ம்...! எல்லாரும் எழுதுறாங்கோ ஸோ ஞானும் பயணக்கட்டுர எழுதலாம்னு முடிவு பண்ணிருக்கேன் . ஊரை ஓட்டி வாழ்றது தானே உத்தமம்.....!

ரெண்டு வாரத்துக்கு முன்னாடி மருதமல போயிட்டு வந்தேன் . அதனால , மருதமலைக்கு போயிட்டு வந்தத சுவைபட எழுதப்போறேன் ....! ( சுவைபட க்கு பக்கத்துல ஆச்சரியக்குறி, கேள்விக்குறியல்லாம் போடமுடியாதுங்க...! கான்ஃபிடன்ட் பாஸ் கான்ஃபிடன்ட்..! ) சரி பயணக்கட்டுர எழுதுறதுன்னு முடிவு பண்ணியாச்சு யார் மாதிரி எழுதுறது .... ? யோசிக்கவே இல்ல,  மொத சாய்ஸ் நம்ம “பாலகணேஷ்” அண்ணேந்தான்.....!

பாலகணேஷ் அண்ணேன் மாதிரி கலகலப்பா எழுதுனம்னா படிக்குறவங்க ச்சும்மா விழுந்து விழுந்து சிரிப்பாங்க, உருண்டு பொரண்டு ரசிப்பாங்க, கமெண்ட்ஸ் ச்சும்மா அள்ளும் அப்டின்னு முடிவு பண்ணி, நைட்டு பூரா கட்டில்ல விழுந்து உருண்டு பொரண்டு யோசிச்சு ரெண்டு பக்கம் எழுதுனேன். எழுதுனத வாசிச்சு பாத்தா ....! பாத்தா ...!. ஆத்தா ...! சிரிப்பே வரலங்க ....! கடுப்பு தான் வருது யுவர் ஆனர் ...! சகிக்கல ...! அப்டியே போட்டேன்னா நம்ம பொழப்பு சிரிப்பா சிரிச்சுடும் . அதுசரி அவரு எவ்ளோ பெரிய ஆளு ?  “மலையோட போயி மடு மோதலாமா” ? லாது ...லாது ..! “புலியப்பாத்து பூனை சூடு போட்டுக்கலாமா” ? லாது..! லாது ...! ஆனா ஒண்ணே ஒண்ணு மட்டும் தெரிஞ்சுகிட்டேன்.... இன்னான்னு கேக்குறீங்களா ..? தப்பித்தவறி கூட பதிவுல என் போட்டோவயோ , கொரங்கு போட்டோவயோ போட்டுடக்கூடாது . எப்டி காலாய்ச்சுருக்கோம் நமக்கே திரும்பிடுச்சுன்னா...? ( ஆமா, ஓம் போட்டோவுக்கும் கொரங்கு போட்டோவுக்கும் என்னப்பா வித்தியாசம் அப்டின்னெல்லாம் கமெண்ட் போடப்புடாது, ப்புடாது...! ப்புடாது ..!ப்புடாது ...!

செரி மொத ஆப்சன் நமக்கு ஒத்துவரல. அடுத்து........ ஆங்...! நம்ம “பீப்பீ” மாதிரி எழுதலாம் ...!

நம்ம பிலாசபி பிரபா மாதிரி ச்சும்மா “கிளுகிளு”ப்பா , ரசனையோட , எழுத்துப்பிழையே இல்லாம ஒரு நீ.......ண்....ட.... பயணத்தொடர் எழுதலாம் அப்டின்னு முடிவு பண்ணி, நல்லெண்ணைய நறுக்குன்னு நடுமண்டைல தேச்சுட்டு வீட்லே ரூம் போட்டு களத்துல குதிச்சேன் . நடுச்சாமம் வரைக்கும் எழுதுனேன் . சுமாரா நாலு பத்தி எழுதிமுடிச்சு படிச்சுப் பாத்தா ...! பாத்தா..!  உவ்வே...ஏ..ஏ...! வாமிட் வாமிட்டா வருது அவ்ளோ ஸ்பெல்லிங் மிஸ்டேக்கு . அப்டியே போட்டேன் “ரசனையாகாது ரகளையாயிடும்”. பிரபா மாதிரி வார்த்தை ஜாலத்தோட பதிவெழுதுரதுக்கெல்லாம் மச்சம் வேணுங்க, நமக்கு காக்கா போட்ட எச்சம் மாதிரி ஒடம்பு பூரா தழும்பு தான் இருக்கு .

ரெண்டாவது ஆப்சனும் அவுட்டு. அடுத்து ....? அடடே நம்ம சீனு ...! வரலாற்று பதிவெல்லாம் எழுதுறாப்புல அவர எப்பூடி மிஸ் பண்ணுனோம் . அடச்சே இவ்ளோ நேரம் கையில “வெண்ணைய” வச்சுண்டு நெய்க்குல்ல அலஞ்சுருக்கோம் ....! 

“மருதமலையை நோக்கி ஒரு வரலாற்றுப் பயணம்” – அடடா தலைப்பே ச்சும்மா அதிருதுல்ல .....! ஓக்கே நமக்கு தோதான ஒரு ஆளப்புடிச்சாச்சு , அட்டகாசமான ஒரு தலைப்பையும் வச்சாச்சு அடுத்து பதிவுல குதிக்க வேண்டியதுதான் . மொத வேல டேட்டா கலெக்ட் பண்ணனும், ரெடி ஸ்டார்ட்..!

மருதமலை ...,

கொங்கு மண்டலம் ,

அறுபடைவீடு,

குடைவரைகோவில்,

நிலவறைக்கதவு ,

தாழி,

தேவர் ...

ஆ..த்.தாடி..! இப்பவே கண்ணகட்டுதே..! எப்ப கலெக்ட் பண்ணி எப்ப பதிவெழுதி எப்ப முடிக்குறது ...!

ஏண்டா டேய்ய்.......! “வரலாறுன்னா எஸ்.டீ.டி தானே”ன்னு கேக்குற நீயெல்லாம் வரலாற்றுப் பயணம் எழுத நினைக்கலாமா ...? இதெல்லாம் ஒனக்கே “டுட்டுடூ” மச்சா தெரியலையான்னு மனஸ் மண்டையில அடிச்ச பின்னாடி தான் புரிஞ்சுது, எவ்ளோ பெரிய ரிஸ்க்கு எடுத்துருக்கோம்னு . மொதல்ல நம்ம போனது வரலாற்றுப் பயணமே இல்ல ..! அப்டியே இருந்தாலும் வரலாற்று பயணம் எழுதுறதுக்கு “சீனு” மாதிரி “தெறமையும்” , “பொறுமையு”ம் வேணும். நமக்கிட்ட “பேனா மை” கூட கெடையாது நமக்கு இதலாம் தேவையா ...?

போச்சு மூணு ஆப்சனும் போச்சு ...! பேசாம எழுதாம விட்ரலாமா...? நோ...! நெவர் ..... ! ஒருபோதும் முன்வச்ச கைய பின் வக்கப்புடாது....! அப்றம் வேற யாரு மாதிரி எழுதுறது ...?  ஆங் ..! ஐடியா..! நம்ம மாதிரியே எழுதுவோம் ...! இவ்ளோ நாள் எழுதலையா ? நாம எழுதுறதையும் படிக்குறாங்கல்ல ? கொஞ்சம் வித்தியாசமா எழுதுவோம் ...! வித்தியாசம் ...................?

அது என்ன வித்தியாசம்ன்னு அடுத்த பதிவுல படிச்சு தெரிஞ்சுக்குங்க யுவர் ஆனர்ஸ்.........!

( ஹா ஹா ...! நாங்களும்  வப்போம்ல சஸ்பென்சும் டுவிஸ்ட்டும்...!)

அடுத்த பதிவு : பயணத்தொடர் 1 – ஏன் போனேன் எப்பூடி போனேன் மருதமலை ...!

ப்புடாது...! ப்புடாது..! ப்புடாது...! :

“கலாய்த்தலும் , கலாய்க்கப்படுதலும் நட்பின் உரிமையே” என்று எல்லாம் வல்ல எங்கள் பெரியவால்கணேஷ் அண்ணேன் சாரி பெரிய”பால்கணேஷ்” அண்ணேன் சொல்லியிருப்பதால்  கலாய்க்கப்பட்டவர்கள் கண்டிப்பா கோவிச்சுக்கவோ , அன் பாலோவ் செய்யவோ ப்புடாது..! ப்புடாது..! ப்புடாது...! பதிலுக்கு நீங்க எம்புட்டு வேணும்னாலும் கலாய்ச்சுக்கலாம் .

“மலை”யோட போயி மடு மோதலாமா...... ? “நம்ம “பிலாசபி பிரபா” மாதிரி ச்சும்மா கிளுகிளுப்பா...”

“அடச்சே இவ்ளோ நேரம் கையில “வெண்ணைய” வச்சுண்டு நெய்க்குல்ல அலஞ்சுருக்கோம்” ..........!

இந்த வரிகளையெல்லாம் அடைப்புல போட்டு – ஹா ஹா ஹா என்று சிரித்து, எதிர்க்கட்சி பதிவர்கள் சிலர் திட்டமிட்டு நம்முள் பகையை ஏற்படுத்த ட்ரை பண்ணுவாங்க அப்பக்கூட நீங்க கோவிச்சுக்கப்புடாது...! ப்புடாது..! ப்புடாது..! ப்புடாது...!

சகிப்புத்தன்மை ...?

இந்தியா ஒரு சகிப்புத்தன்மை மிகுந்த நாடு ...!

இந்திய மக்கள் சகிப்புத்தன்மை மிக்கவர்கள் ...!

இப்டியெல்லாம் சொல்றாங்கோ , எழுதுறாங்கோ ... அப்டியான்னு கேட்டா ஆமாங்குறாங்கோ...!

ஆனா...!

“பஸ்ல போகும்போது, பக்கத்து சீட்டுக்காரர் மேல தூங்கி விழுறத மட்டும் யாரும் சகிச்சுக்கவே மாட்டிங்குறாங்களே ” அது ஏன் யுவர் ஆனர் ...?

‘டிரெயின்ல போகும்போது , எதிர் சீட்டுக்காரர் படிச்சுட்டு இருக்குற பேப்பர எட்டி பார்க்குறத மட்டும் சகிச்சுக்கவே மாட்டிங்குறாங்களே “ அது ஏன் யுவர் ஆனர் ...?

                                                                            

ஏன் யுவர் ஆனர் ...? ஏன் ...?

டூ “வீ(ல்)”......லர் பய(ண)ம் .....!

தலப்பு அடப்பு : பால கணேஷ் அண்ணேன் மட்டுந்தேன் வார்த்தைக்குள்ள அடப்பு போடுவாரா? நாங்களும் போடுவோம்ல ....!

                                   டூ “வீ(ல்)”......லர் பய(ண)ம் .....!

கொஞ்ச வருசத்துக்கு முன்னாடி , பழைய நன்பேண்டாவ பாக்க பீளமேட்டுக்கு போயிருந்தேன். நண்பேன் அப்பத்தான் புது வண்டி வாங்கிருந்தான் , “யமகா ஸ்போர்ட்ஸ் பைக்” . டேய் வாடா , ஒன்னைய வண்டில வச்சு ஒட்டி காமிக்கிறேன்னு சொன்னான் . சரின்னு நம்பி ஏறுனேன். பயபுள்ள நல்லா ஓட்டு ஓட்டுன்னு ஒட்னாங்க . சும்மா கதற கதற ஓட்றான் கண்ணுலருந்து கண்ணீரா வருது நிறுத்தவே இல்ல . அவென்  ஓட்டுன ஓட்டுல எமதர்ம ராசா வீட்டுக்கு எதிர் வீடே வந்துடுச்சு . அப்டியே மயங்கி சரிஞ்சுட்டேன் அவென் மேலயே . அப்றம்தான் எறக்கி விட்டான் . சிரிச்சுகிட்டே கேக்குறான், என்னடா  பயந்துட்டியான்னு..?  . கண்ண கசக்கி பாத்தா எதிர்ல “எமனும்”, “எருமைமாடும்” தான் தெரியுது . இப்பகூட அவனபாக்கும் போதெல்லாம் “எமன” பாக்குற மாதிரியும்,  “யமகா” பைக்க பாக்கும்போதெல்லாம் “எருமமாட்ட” பாக்குறமாதிரியுமே ஒரு பீலிங் .

பில்லியன்ல ஒக்காந்து போறவனுக்குதான் பீதியோட வலி தெரியும் . இப்பவும் பில்லியன்ல ஒக்காந்து போறதுண்டு , சில பல கண்டிசன்களுடன் ...... “ஒட்டுறவேன் ஹெல்மட் போடுறானோ இல்லையோ நா போட்டுக்கணும்” . “வண்டி ஓட்டும் போது போன் பேசப்புடாது”.  “அறுபது கிலோமீட்டர் ஸ்பீடுக்கு மேல போப்புடாது.” முக்கியமா “கட் அடிக்கபுடாது”  . இதுக்கெல்லாம் ஒகேன்னாதான் வண்டிலயே ஏறுவேன் .

இந்த பொண்ணுங்க பில்லியன்ல ஒக்காந்தாவே , வண்டிய “தொட நடுங்குரவனுக்கு(ம்)” கூட தைரியம் வந்துடுதுங்க .... ரேஸ்ல போற மாதிரி போறானுங்கோ ...! போறேனுங்கோ ...!

ஒருமொற இப்டித்தான் பிரியமானவள(!) பில்லியன்ல ஒக்கார வச்சு படத்துக்கு கூட்டினு போனேன். சரியா கருமத்தாம்பட்டி நால் ரோட்ட தொட்டபோது, சைடுல “மண்ணு லாரி”, முன்னாடி “தண்ணி  லாரி” அப்டியே அடிச்சேன் பாருங்க ஒரு “கட்”டு ... ஆஹா...! லைஃப்லேயே அடிச்ச மொத “கட்”டு.

( காலேஜ் கட்ட கணக்குல சேக்கல.) அடடா..! நல்லாத்தான் “கட்”டடிக்குரமே , நாம ஏன் வீலிங் பண்ணக்கூடாதுன்னு  யோசிச்சுட்டு இருக்கும்போதே , பொளேர்ன்னு முதுகுல ஒரு அடி , “பேயடிச்சுடுச்சோன்னு பிரேக்கடிச்சு திரும்பி பாத்தா ...!” “சாட்சாத் .... பொண்டாட்டியேதான் ...!” ( “ஐ நோ.., இந்த சாட்சாத் பக்கத்துல நீங்க என்ன எதிர்பார்த்திருப்பீங்கன்னு ஐ நோ ...!” ஒரு வாட்டிதான் பாஸ் “சொந்த செலவுல ஆப்பு வச்சுக்குவோம் , ஒவ்வொருவாட்டியுமா வச்சுக்குவோம்.”)

அய்யய்யோன்னு பதறி , செதறி எறங்கி பாத்தா ....! பயபுள்ள கண்ணுல ஒரே பீதி . “எமேன் எமஹா”வுலருந்து என்னைய எறக்கி விடும்போது நா என்ன மாதிரியான பீதிய உணர்ந்தேனோ அதே பீதியே இப்ப பொண்டாட்டி கண்ணுல பாத்தேன் . “இப்டியா வண்டி ஓட்டுவீங்க ...? நா படத்துக்கே வல்ல , ஆட்டோ புடிச்சி வீட்டுக்கு போறேன் .“ சுசீலா அம்மா” மாதிரி சாந்தமா இருந்தவ “சொர்ணாக்காவா” மாறி கத்த ஆரம்”பிச்சுட்டா” . அய்யய்யோ ..! கொஞ்சம் ஓவராத்தான் ஓட்டிட்டோமோ..? என்ன பண்ணலாம்னு யோசிச்சுனு இருக்கும்போதே வந்துட்டாரு நம்ம “தண்ணி வண்டி” , “ஏண்டா டேய்...!, பொறுமையா வரமாட்டியாடா பொறம்போக்குன்னு தண்ணியோட சேத்து வார்த்தைகளையும் எறச்சுட்டு போயிட்டார்”. இத கேட்டவுடனே  சொர்ணாக்கா சூடாயிட்டா ....!

பின்ன என்ன, சூட்ட தணிக்க பக்கத்துல இருக்க பழகடைக்கு கூட்டினு போயி  ஆப்பிள் ஜூஸ் வாங்கி கொடுத்துட்டே சொன்னேன் , “பயந்துட்டியா செல்லம் ..? அத்தானுக்கு இதெல்லாம் அல்வா சாப்புடுற மாதிரிம்மா” ன்னேன் ....! ஒரு மாதிரியா பாத்தா(ர்ள்)..! “என்னாதான் உள்ளுக்குள்ள பயம் இருந்தாலும் , கட்டிக்க போறவ முன்னாடியும் , கட்டிக்குனவ முன்னாடியும் பயத்த காட்டிக்க முடியுமா யுவர் ஆனர் ...?”.

வாய்க்கொழுப்பு ...?

சில வருடங்களுக்கு முன்பு, ஒரு நாள் அலுவகத்திற்கு தாமதமாக சென்றேன்.

காரணம்...?

வெள்ளிக்கிழமை மாலையில் ,  “தன்சனி” தொலைய எவரோ ஒருவர் சாலையில் உடைத்த சிதறு தேங்காய் , சனிக்கிழமை காலையில் “என்சனியாகி” வண்டியின் டயரை பதம் பார்த்துவிட்டது .

(இதுக்கு பெயர் தான் சனிப்பெயர்ச்சியோ ...?)

அவசர அவசரமாக அலுவலத்திற்குள் நுழைந்த என்னிடம் , எதிர்ப்பட்ட சக பெண் அலுவலகர் கேட்டார்...

“லேட்டாயிடுச்சு போல” ...?

“ஆமாங்க” ...

“என்னாச்சு” ...?

“வண்டி பஞ்சராயிடுச்சுங்க ..”

“எங்க” ?

“வழக்கம் போல டயர்லதான் “.

“.......!.”

இதன் பிறகு , அவர் வேலையை விட்டு போகிறவரை என்னிடம் முகம் கொடுத்து பேசவில்லை . பின்னொரு நாள் இருவருக்கும் பொதுவான நண்பர் ஒருவரிடம் குமுறியிருக்கிறார், எனக்கு “வாய்கொழுப்பு” அதிகமென்று .

நீங்களே சொல்லுங்க யுவர் ஆனர் . இதுக்கு பேரு வாய்க்கொழுப்பா... ?

நீயா நானா – பயம் பார்ட் - ஒண்.

வாரா வாரம் நீயா நானா பாக்கலைனா அந்த வாரமே முழுமை பெறாது எனக்கு . சில சமயம் சூப்பராகவும் , சில சமயம் சூர மொக்கையாவும் இருக்கும் . அந்தவகையில் போனவாரம் சூப்பர் எபிசோடு.

பயந்த சுபாவம் கொண்ட ஆண்களும் , தைரியமான சுபாவம் கொண்ட பெண்களும்  பரஸ்பரம் விவாதித்துக்கொண்டார்கள் . பொதுவாகவே நீயா நானாவில் பெண்களின் வாய்(ஸ்) தான் ஓங்கியிருக்கும் . இந்த வாரமோ, பயந்த சுபாவம் கொண்ட ஆண்கள் .. யார் அசத்தியிருப்பாங்கன்னு சொல்லவும் வேணுமா என்ன ....?

நிகழ்ச்சியில்,  நிறைய “அம்பிகளை” பார்க்க முடிந்த அதே சமயம் நிறைய “சொர்ணாக்காக்களை”யும் பார்க்க முடிந்தது . நிகழ்ச்சி முழுவதும் நிறைய சுவராஸ்யங்கள் , சும்மா அதகளம் பண்ணிவிட்டார்கள்  . சிறப்பு விருந்தினராக வந்திருந்த “திருநங்கை” யின் பேச்சு அவ்வளவு சிறப்பு . சிரிக்க சிரிக்க அவர்களின் வலியை சொன்னார் . யூ டியூபில் ய்ப்பாருங்கள் . அனைவரும் அவசியம் பார்க்கவேண்டிய பகுதி.

ஆண்கள் உங்கள் பயத்தை சொல்லுங்கள், என்று கோபி கேட்டதற்கு கூட பயந்து பம்முகிறார்கள் என் சகோக்கள் . அவர் அங்கு கேட்டுக்கொண்டிருக்கும் போதே, நான் என் பயத்தை பட்டியலிட்டு கொண்டிருந்தேன் . என்னோட பட்டியல படிச்சு பாத்தாவே, பயமா இருக்கு . ஆக்சுவலா விஜய் டிவி காரங்க என்னையதான் குண்டுக்கட்டா கட்டி தூக்கி போயி பேச விட்ருக்கணும் , மிஸ் பண்ணிட்டாங்க .

சரி வாங்க பாக்கலாம் என்னோட பயப்பட்டியல :

லிப்ட் பயம் , எஸ்க்லேட்டேர் பயம் , ஏரோபிளேன் பயம் , ஆட்டோமேட்டிக் செக்போஸ்ட் பயம் , கடல்ல முங்கி குளிப்பது பயம் , மொட்ட மாடி பயம் , ரோலர் கோஸ்டர் பயம், செயின்ட் வீல் பயம் , பேய் படம் பயம் , நடு ராத்திரி போன் அழைப்பு பயம் , டாக்டர் பயம் , லேப் டெஸ்ட் ரிசல்ட் பயம், காரில் முன் சீட்டு பயணம் பயம் , டூ வீலரில் பின் சீட்டு பயணம் பயம் , கியாஸ் பயம், பெண்களிடம் பேசுவது பயம், ட்ரைன் பாத்ரூம் பயம் , சண்டை பயம், மேடைப்பேச்சு பயம்,

சலூனில் ட்ரிம் பண்ணுவது பயம் ... பயம் ...பயம் ...பயம் ....!

என்ன ...? பயந்தீங்களா ...சாரி படிச்சீங்களா ...? “தெனாலி” பயத்தவிட பெருசா இருக்கா ? இது சும்மா ட்ரைலர் தான் ..மெயின் பிச்சர்ல இதவிட பெரிய பயம்லாம்  இருக்கு .! இதுலென்ன பயப்புடுறதுக்கு இருக்குன்னு நீங்க கேக்கலாம் .... மேல படிங்க பாஸ்  ....!

லிப்ட் பயம் :

தனியா லிப்ட் ல போயிட்டு இருக்கும் போது நடு வழில லிப்ட் ரிப்பேர் ஆகிடுச்சுன்னா ...? கரண்ட் கட்டாகிடுச்சுன்னா ? ஆத்தாடி நெனச்சுப்பாத்தாவே குப்புன்னு வேர்த்துக்கொட்டுது . எப்பவுமே கூட்டத்தோடதான் லிப்ட்ல ஏறுவேன் , இல்லாட்டி “டிரைவர்” இருக்குற லிப்டா பாத்துதான் ஏறுவேன் . ரெண்டுமே இல்லனா இருக்கவே இருக்கு நடராஜா சர்வீஸ் . படி..படி..படியா ஏறிடுவேன் அது ஏழு மாடியாவே இருந்தாலும் . 

எஸ்க்லேட்டேர் பயம் :

நாலு வருசத்துக்கு முன்னாடி பெங்களூர்ல , மொத மொதல்ல நான்  எஸ்கலேட்டர் ஏறுனத , நீங்க பாத்ருந்தீங்கன்னா இன்னைக்கு வரைக்கும் நெனச்சு , நெனச்சு சிரிச்சுருப்பீங்க . ஒரு கால மேல் படியிலயும் , இன்னொரு கால கீழ் படியிலையும் வச்சுகிட்டு நான் “பப்பரபான்னு” போனத பாத்து பின்னாடி வந்த பொண்ணுங்கல்லாம் குய்யோ முறையோன்னு சிரிச்சாங்க . ஒரே கேவலமா  போச்சு . இப்பகூட மாலுக்கு போனா , யார்கூட போறனோ அவங்க கைய நல்லா உடும்பு மாதிரி பிடிச்சுட்டு தான் ஏறுவேன் . தனியா போனா சுத்தி முத்தும் பாப்பேன், யாரும் என்ன பாக்குறாங்கலான்னு , குறிப்பா பொண்ணுங்க . யாரும் பாக்கலைங்குறத உறுதிப்படுத்திட்டு தான் ஏறவே ஆரம்பிப்பேன் . அப்பக்கூட ஏதாவது ஒரு புளோர்ல , ஏதாவது செல்போன் ரிங்டோன்  சிரிச்சாக்கூட, என்ன பாத்து யாரோ ஒரு பொண்ணு சிரிக்கிற மாதிரியே ஒரு பீலிங் .

ஏரோபிளேன் பயம் :

பஸ்லயோ , டிரைன்லையோ போகும்போது ஜன்னல் வழியா முழு தலையையும் வெளிய நீட்டி எட்டி பாக்குற மாதிரி, ஏரோபிளைன்லையும் எட்டி பாத்தா என்னாகும்னு என்னோட நண்பேன்டாகிட்ட கேட்டேன் . அதுக்கு அவன் காட்டுன காட்டு இன்னவரைக்கும் பயமா இருக்கு .

ஆட்டோமேட்டிக் செக்போஸ்ட் பயம் :

எங்க கம்பெனில மொத்தம் ரெண்டு கேட்டு அன்ட் ரெண்டு செக் போஸ்டு . உள்ள போறதா இருந்தாலும் சரி வெளிய போறதானாலும் சரி . ரெண்டு செக்போஸ்டையும் தாண்டி தான் போகணும் . ரெண்டுமே தானியங்கி . ஒவ்வொருமொற செக் போஸ்ட்ட கடக்கும் போதும் ஒரு பயம் இருந்துட்டே இருக்கும் . படார்னு தலையில விழுந்துட்டா..? செக்யூரிட்டி வேற அவர் பங்குக்கு பீதிய கெளப்பி விட்டுருந்தாரு தானியங்கி அடிக்கடி ரிப்பேராகிடுதுன்னு . டூ வீலர்ல  செக்போஸ்டை கடக்கும் ஒவ்வொருமுறையும் கண்ண மூடிட்டு அன்னிச்சையாகவே ஆக்சிலேட்டர அழுத்து அழுத்துன்னு அழுத்திடுவேன் . ஒரு மொற ஜெனரல் மேனஜோரோட கார்ல செக் போஸ்ட்ட கடக்கும்போது , நா கண்ண மூடுனத கவனிச்சுட்டார் மேனேஜர் . என்னடா பண்ற..? ன்னு கேட்டார் . இல்ல சார் செக் போஸ்ட்ட தாண்டும்போது , போஸ்ட் தலைல  விழுந்துடுமோன்னு பயமா இருக்கு அதான்னேன் . சும்மா இடி இடின்னு சிரிச்சுட்டு.... மீ டூ ......ன்னு சொன்னாரு பாருங்க அய்யோ அய்யோ...!. அது என்னமோ தெரியலங்க நமக்கு இருக்க பலவீனமோ , பயமோ , நோயோ இன்னொருத்தருக்கும் இருக்குன்னு தெரிஞ்சா அப்டி ஒரு ஒரு இனம் புரியாத சந்தோசம் வந்துடுது எனக்கு .

கடல்ல முங்கி குளிப்பது பயம் :

எனக்கு கல்யாணமே வரமாடிங்குதுன்னு சொல்லி, எங்கம்மா ஜோசியம் பாத்துருக்காங்க . ஜோசியக்காறார் இன்னா சொல்லிருக்காரு ... ஒன்னும் கவலைபடாதீங்க, பய புள்ளய கூட்டிக்கினு போயி ராமேஸ்வரம் கடல்ல முங்கி எந்திரிங்க எல்லாம் கூடி வந்துரும்னு . ( அப்ப முங்குனதுதான் இன்னும்...! ) “சுப்ரீம் கோர்ட்டு சொன்னாகூட எங்கம்மா கேக்காது ஆனா ஜோசியக்காரர் சொன்னா ஒடனே கேட்டுடும்” , மறுபேச்சே கெடையாது. அப்றமென்ன பய(ண)ம் தான் . கடல் தீர்த்தத்துல (?) போயி முங்குற மாதிரி போங்கு காமிச்சுக்கிட்டு இருந்தேன். எங்கம்மா பாத்துடுச்சு , பொளேர்னு  பொடரிலேயே தட்டி , நல்லா முடிய புடிச்சு முங்கி , முங்கி எடுத்துச்சு பாருங்க . முங்குன முங்குல மூச்சு தெணறி , தண்ணியே சூடகிடுச்சு . ஆத்தாடி தண்ணிக்குள்ள அமுக்கி கொல்லவுள்ள போகுது ஆத்தான்னு பயந்துட்டு அப்டியே  புடிச்சு தள்ளிவிட்டுட்டு கரைக்கு ஒடியாந்துட்டேன் . இப்பகூட எங்கயாவது தண்ணில முங்குனா , சூசைட் அட்டன்ட் பண்ணிக்கபோற மாதிரியே ஒரு பீலிங் .

மொட்ட மாடி பயம் :

நாலஞ்சு மாடியெல்லாம் ஏறனும்னு அவசியமில்ல , ஒரு ரெண்டு மாடி இருக்குற பில்டிங் உச்சில ஏறி, அப்டிக்கா ஓரமா வந்து கீழ எட்டி பாத்தேன்னு வைங்க ....சும்மா கால் ரெண்டும் கதகளி ஆடும். இதுக்காகவே கட்டசுவரு இருக்குற மொட்டமாடின்னா ஒரே ஓட்டம் தான் அந்த ஏரியா பக்கமே “கால் வச்சு படுக்குறதில்ல” . அப்டியொரு  அலர்ஜி .

ரோலர் கோஸ்டர் & செயின்ட் வீல் பயம் :

சின்ன வயசுல ஒரு மொற செயின்ட் வீல் ஏறினது இன்னும் ஞாபகம் இருக்கு . செயின்ட் வீலவிட நா தான் அதிகமா கத்துனேன் வீல் ..வீல்ன்னு ..! நா கதறுன கதறுல. பாதிலேயே நிறுத்தி எறக்கி விட்டுடாய்ங்க . நாலு வருசத்துக்கு முன்னாடி கூட , ஆபிஸ்ல இருந்து வீகாலேன்ட் டூர் கூட்டிட்டு போறோம்னு சர்க்குலர் வந்துச்சு . மலையாள “நன்பேண்டா சேட்டன்ட்ட” கேட்டேன் , ஏன்யா வீகாலேண்ட்ல இன்னாயா இருக்கும்னு ...... . அட உனக்கு தெரியாதா .. ? அடிபொலியுமாக்கும் . எனக்கு வளர இஸ்டம்மான ஸ்தலமாக்கும் . அவ்விட இருக்குற பெரிய ராட்டினத்துல ஏறி  அப்டியே தலகீழா பாத்தா அய்யோடா ... மொத்த கேரளாவும், சொர்க்கமா தெரியுமாக்கும்..! ங்கொய்யால சேட்டனோட எக்ஸ்பிரசனையும் , ராட்டினத்தையும் கேட்ட மாத்திரத்தில எனக்கு மூ.......ரமே வந்துடுச்சு . தலகீழா பாத்தா மொத்த கேரளாவும் சொர்க்கமா தெரியுமா ? நேரா பாத்தாவே எனக்கு நரகமே தெரியும்டா ன்னு சொல்லிட்டு, வீகாலேன்ட் டூரே போகல. விடுப்பெடுத்து வீட்டுல ரூம் போட்டு திட்டுனேன், டூர் ஸ்பாட்டா பிக்ஸ் பண்ணுனவய்ங்கள .

பேய் படம் பயம் :

காஞ்சனா படத்தையே நா கண்ண மூடிட்டு தான் பார்த்தேன்னா பாத்துக்கங்களேன். ஈரம் படம் பாத்து ஈரக்கொலையே நடுங்கிடுத்து . தமிழ் படத்துக்கே இப்டின்னா ,ஹாலிவுட்டுக்கு..? சான்சே இல்ல  இன்னவரைக்கும் ஒரு இங்கிலீஸ் ஹாரர் படம் கூட பாத்ததுல்ல. ஏலியன் பட போஸ்டர பாத்ததுக்கே காய்ச்சல் வந்துடுச்சு .

நடு ராத்திரி போன் அழைப்பு பயம் :

நான் சின்னப்புள்ளையா இருக்கும்போது , தந்தி வந்தா எங்க வீடே பீதில ஒறஞ்சு போயிடும் என்னமோ ஏதோன்னு . இப்ப தந்தி எல்லாம் எங்க..? எல்லாமே போன்தானே . நைட்டு நல்லா தூங்கிட்டு இருக்கும்போது பன்னெண்டு  ,ஒரு மணி வாக்குல  என்னமோ ஏதோன்னு ...செல்லு ரிங்காச்சுன்னா ... என்னமோ...!. ஏதோன்னு...! கலவரமாகி, வாரிச்சுருட்டி எந்திரிச்சு ஒரு படப்பிடிப்போட தான் போன எடுப்பேன் . அதுவும் அப்பா , அம்மா இருக்குற கிராமத்துலருந்து போன் வந்தா பீதிக்கு சொல்லவே வேண்டம் .

  

டாக்டர் பயம் :

எதுன்னா ஒடம்பு சரியில்லாம போச்சுன்னா அவ்ளோதான் , வராத  சிம்ப்டம்ஸ வந்ததா நெனச்சு   “கூகுள் கூகுள்” பண்ண ஆரம்பிச்சுடுவேன்  . அதுல எதாவது ஒன்ன படிச்சு , அந்த நோய் தான் வந்திருக்குன்னு பலமா நம்பவே ஆரம்பிச்சுடுவேன் . அப்றமென்ன தமிழ் சினிமா கதாநாயகன் ரேஞ்சுக்கு சோக கீதமா பாடிதிரிவேன் . ஒரு கட்டத்துக்கு மேல என்னோட இன்சை தாங்கமா ஆஸ்பத்திரிக்கு கூட்டினு போயிடுவாங்க . டாக்டருக்காக ஆஸ்பத்திரியில் காத்திருக்கிறதும் , முடிவெட்டுவதற்காக சலூனில் காத்திருப்பதும் எவ்வளவு பெரிய கொடும தெரியுமா ...? டாக்டர் என்ன சொல்ல போறாரோ ன்னு அதுக்கும் ஒரு பயம் . டாக்டர செக் பண்ணி பாத்துட்டு , ஒன்னும் இல்ல , “ஹி இஸ் ஆள் ரைட்டுன்னு” சொல்லுவாரு . ஒடனே சந்தோசமாகிடும். ஆனா எதுக்கும் ஒரு “பிளட் டெஸ்ட்” எடுத்து பாத்திரலாம்னு ஒரு செக்க வப்பாரு பாருங்க . போன செகண்ட்ல இருந்த சந்தோசம்  இப்ப சந்”தோஷம்” ஆகிடும் .

லேப் டெஸ்ட் ரிசல்ட் பயம் :

பதினாலு மணிநேரம் பச்ச தண்ணி கூட குடிக்காம பட்டினி கெடந்து , காலங் காத்தால லேபுக்கு போனா , கொள்ள காச வாங்கிகிட்டு மனசாட்சியே இல்லாம ரத்தத்த உறிஞ்சிப்புடுவாங்க . ரிசல்ட் சாயங்காலம் . போர்டு எக்ஸாம் ரிசல்ட்டு கூட இவ்வளவு பயமுறுத்தாது . ஆனா லேப் டேஸ்ட்டு பயமுறுத்தும் . ரிசல்ட் பாசிட்டிவ்னு சொன்னா பயப்புடனும் , நெகட்டிவ்னு சொன்னா சந்தோசப்படனும் என்னேவொரு முரண்பாடு . உங்களுக்கு ஒன்னும் இல்லா “எவ்ரிதிங் இஸ் ஃபைன் அப்டிங்குற” நர்ஸ் கொரல கேட்டதுக்கப்புறம் தான் தொண்டக்குழியில எச்சியே எறங்கி என் கொரலே வெளில வரும் . நா நல்லாருக்கோம்ங்க்குற சந்தோசம் கொஞ்ச நேரந்தான் . அதுக்கப்புறம் ? ச்சே ..இம்புட்டு காச கொடுத்து , பத்தாததுக்கு ரத்தத்தையும் கொடுத்து கடசில ஒன்னுமில்ல எல்லாம் நல்லாருக்குன்னுட்டாயங்களே , அம்புட்டும் வேஸ்டா போச்சே , அட்லீஸ்ட் எதுனா ஒன்னு கூட கொறைய இருந்துருக்கலமோன்னு மனஸ் அடிச்சுக்குது .

  

யப்பா எழுதுனத படிச்சு பாத்தாவே பயமா இருக்கு . இன்னைக்கு போதுங்க ...முடியல..! “பாக்கி பயத்த” அடுத்த பதிவுல பாக்கலாம் ....! அதுவர இந்த வீடியோவ பாருங்க .

நீயா நானா – பயம் பார்ட் டூ  - விரை....”வீல்:.......!

சொந்த செலவுல வச்சுக்கிட்ட ஆப்பு ....!

நீங்க எப்பவாது சொந்த செலவுல ஆப்பு வச்சுக்கிட்டதுண்டா ...? நான் வச்சுக்கிட்டேன் .

எப்பன்னு கேக்குறீங்களா ...? ஜஸ்ட்  டூ டேஸ் பேக் ...!

கரஸ்ல காலேஜ் போறோமே, யாருக்குமே தெரியாமப்போச்சுன்னா...? கட்டுன பதினஞ்சாயிரத்துக்கு ஒரு பப்ப்ளிகுட்டி கூட இல்லனா எப்பூடி ?. இப்டி மனஸ் புலம்பிக்கிட்டே இருந்துச்சு , சரி மனஸ்-ச திருப்தி “படுத்தலாம்னு”  நெனச்சு ஒரு பதிவ போட்டேன் , எம்.பி.ஏ – நாங்களும் படிப்போம்ல னு . அது இப்ப “படுத்து படுத்துன்னு படுத்துது” .

டி.டி அண்ணன் ஏற்கனவே சொல்லிருந்தாரு ....

“பதிவுலகம் ஒரு போத(தி) மரம் மாதிரி , பதிவு எழுதுறது ஒரு போத மாதிரி , அளவா வச்சுக்குங்க இல்லன்னா அடிமையாகிடுவீங்க”ன்னு .

ரெண்டு நாளைக்கு முன்னாடி சுரேஷ் அண்ணங்கூட எழுதி இருந்தாரு ....

“செரங்கு வந்தவன் கையும், வலைப்பூ ஆரம்பிச்சவன் கையும் சும்மாவே இருக்காது , சொறிஞ்சுகிட்டே இருக்கும்னு” ..

பெரியவங்க சொன்னா , பெருமாள் சொன்னமாதிரி ... கேட்டாதானே! ....பட்டாதான் புரியுது .. இப்ப அடிமையும் ஆயி , அதுக்கு மேல சொriயவும் ஆரம்பிச்சாச்சு .சொறியாட்டி இப்பல்லாம் தூக்கமே வரமாட்டிங்குது .

மொதநாள் காலேஜ் போன அனுபவத்த  , கொஞ்சம் சுவராஸ்யமா எழுதலாம்னு நெனச்சு,  கொஞ்சம் கற்பனையோட எழுதி ஒரு பதிவா போட்டா . கற்பனை – கற்வினையாயிடுத்து...!

அந்த பதிவ எழுதுரதுக்கு முன்னாடி “ஒண்ண” மறந்துட்டேன் . இல்ல, இல்ல “மூண” மறந்துட்டேன். 

ஒண்ணு எனக்கு கல்யாணமானது .!

ரெண்டாவது எனக்கு ரெண்டு மச்சான்ஸ் இருக்குறது..!!

மூணாவது, ஒரு மச்சான் ஈ மெயில் லயும்  . இன்னொருத்தன் பிளாக்கராவே மாறியும் என்ன பாலோவ் பண்றது ...!

இப்ப சொல்லுங்க, நான் வச்சுகிட்டது சொந்த செலவு சூனியம் தானே . ஒரே பீதியா இருக்கு...! எப்ப எந்த மச்சான் கூப்டுவானோ , என்ன கேப்பாய்ங்க்களோ ன்னு . அவய்ங்க “பாசமலருக்கு” தகவல் தந்துட்டாய்ங்களா இல்லையா ....? ஒண்ணுமே புரியல. சுனாமில சுறா மீனுகிட்ட மாட்டுனமாதிரி இருக்கு .

இது பத்தாதுன்னு, சொந்த செலவுல நா வச்சுகிட்ட இந்த ஆப்ப, எட்டு பேரு சேர்ந்து வீரியமான ஆப்பாக்கிட்டாங்க  , பின்னூட்டம்ங்க்குற பேர்ல ...!

பதிவு கொடுகுற “பீதி”யவிட , பின்னூட்டம் கொடுக்குற “பீதி” தான் “பேதி” வர்ற மாதிரி இருக்கு .

வாங்க அந்த பேதிய பாப்போம் , ச்சீ.. ச்சீ .. அந்த பீதிய பாப்போம் ... அய்யோ வெரலு சிலிப்பாயிட்டே இருக்கு ... வாங்க அந்த பின்னூட்டத்தையும் , என் ஓட்டத்தையும் ஒரு கிளான்ஸ் பாப்போம் .

பின்னூட்டமும் – என் ஓட்டமும்

பின்னூட்டம் - திண்டுக்கல் தனபாலன் :

// ஹா... ஹா... ரசித்தேன்...

ஹீரோ ஆனதற்கு பாராட்டுக்கள்...

ஆக(கா)... இந்த வருஷம் முடிக்கிற மாதிரி இல்லை... எதுக்கும் கொஞ்சம் கவனமா இருக்கிறது நல்லது... ஹிஹி... வாழ்த்துக்கள்...//

என் ஓட்டம் – ஜீவன்சுப்பு  :

    

அண்ணேன் ..! ஏன்..? ஏன்னேன் இப்டி கொல வெறி.. ? கிளாஸ் முடிஞ்சு வெளில வரும்போது ஒரு பய சொல்றான் , என்ன “அங்கிள்” , கமென்ட்லாம் பலமா இருக்குன்னு . நீங்க என்னடான்னா ஹீரோ வானதற்கு பாராட்டுறீங்க  , பையன் சொன்னத பாத்தா நா “ஆண்டி” ஹீரோ கூட இல்ல, “அங்கிள்” ஹீரோ ... ஆக(கா) நீங்க ரசிக்குறீங்க ... அய்யோ அய்யோ ..!

பின்னூட்டம் – தளிர் சுரேஷ்  :

            

//நல்ல சுவாரஸ்யமாத்தான் இருக்கு! புள்ளிவிவரங்கள் சேகரிக்க வாழ்த்துக்கள்!//

என் ஓட்டம் – ஜீவன்சுப்பு  :

என்னாது..! சுவாரஸ்யமா இருக்கா? புள்ளி விபரம் சேகரிக்குறதா.. அப்டின்னா ? நல்லா சொல்றீங்கன்னேன் வாழ்த்து . வந்து பாருங்க நொந்து போயிருக்கேன் .

பின்னூட்டம் – திடம் கொண்டு போராடும் சீனு  :

            

// ஹா ஹா ஹா தல உங்க புள்ளிவிவரம் சரி இல்லையே.... நல்ல அனுபவப் பதிவு.. சீக்கிரம் மிஸ்க்கும் உங்களுக்குமான காதல் பதிவு வெளிவர வாழ்த்துக்கள்... //

என் ஓட்டம் – ஜீவன்சுப்பு :

அட பாவி நண்பா ...! நா ஒனக்கு என்னய்யா துரோகம் பண்ணுனேன் ..? ஏன்யா இப்டி குடும்பத்துல குழப்பத்த உண்டு பண்ற...? ஆண் பாவம் சும்மா விடாது . அதுவும் கல்யாணம் ஆன ஆண்பாவம் ரெம்பவே பவரானது .

இந்தா என்னோட சாபத்தை நல்லா கெட்டியா பிடிச்சுக்கோ ...! கூடிய சீக்கிரமே ஒனக்கு கல்யாணமாகி , ஒரே வருசத்துல , ஒரே பிரசவத்துல நாலு புள்ளைங்க பொறந்து உன்னைய படுத்து பத்து ன்னு படுத்தனும் . பிளாகர் பக்கமே தல வச்சு படுக்கக்கூடாது .

பின்னூட்டம் – சுபத்ரா பேசுறேன் :

            

// முதல் நாள் வகுப்பிலேயே இப்படியா.. :) //

என் ஓட்டம் – ஜீவன்சுப்பு :

அய்யய்யோ..! , நீங்களுமா ...? நம்புங்க, நான் ரெம்ப நல்லவேங்க... ! உங்களுக்குதான் நல்லாவே தெரியுமே ... எனக்கு “அட அட டட டாவே” ஒழுங்கா எழுதத் தெரியாதுன்னு ( இப்பகூட நாலு வாட்டி அழிச்சு அழிச்சு தான் எழுதுனேன் ) நீங்க போயி இப்படியான்னு எழுதிப்புட்டீங்களே . மனஸ் தாங்கல போங்க .

பின்னூட்டம் – மின்னல் வரிகள் பாலகனேஷ்   :

            

//ஆஹா... கடைசி வரியப் பாத்தா இன்னும் பல அரியர்ஸ் விழும் போல இருக்கே...! டீச்சர்கள் எப்பவுமே ரசிக்க வைப்பவர்கள்தான்- என் பார்வையில்! ம்... நடக்கட்டும், நடக்கட்டும்!//

என் ஓட்டம் – ஜீவன்சுப்பு  :

                 என்னாது ஆஹா வா ? எனக்கு அரியர்ஸ் விழுகுறதுல  உங்களுக்கு அப்டியொரு சந்தோசமாண்ணா.? //

நடக்கட்டும் , நடக்கட்டும்// – ஆல்ரெடி நடக்க ஆரம்பிச்சுடுத்து. இனிமே நடக்கவே முடியாது . 

பின்னூட்டம் – தேவியர் இல்லம் ஜோதிஜி   :

            

// பாடங்கள் பாக்கி இல்லாமல் முடிக்க வாழ்த்துகள். //

என் ஓட்டம் – ஜீவன்சுப்பு  :

               ஹலோ அண்ணா...! நீங்க இங்கதான் இருக்கீங்களா ? உங்கள பாத்துதான் நான் பதிவெழுதவே ஆரம்பிச்சேன் . சூப்பரா எழுதாட்டியும் , கொஞ்சம் சுமாரா ரெண்டு மூணு பதிவெழுனேன் அப்பல்லாம் உங்கள ஆளக்காணும்.  மொக்கையா எழுதுன ஒரு பதிவுக்கு வாழ்த்துச்சொல்லி , என்னோட டேமேஜுக்கு வேல்யூ அடிசன் பண்ணிட்டீங்க .

பின்னூட்டம் – ஸ்கூல் பையன்   :

 // எம்பி எம்பி எம்பிஏ படிங்க...//

என் ஓட்டம் – ஜீவன்சுப்பு  :

               எலேய்..! ஸ்கூல் பையா என்ன நக்கலா ...? எனக்கு கல்யாணம் மட்டும்தான் ஆகிருக்கு, ஆனா, ஒமக்கு கல்யாணமாகி , பள்ளிக்கூடம் போற வயசுல பையன் இருக்கான் . ஞாபகம் இருக்கட்டும் . மகனே என்னைக்காவது மாட்டாமலா போவ ? அன்னைக்கு வச்சுருக்கேண்டி ஆப்ப்பு ......! இந்தநாள் உன் காலண்டர்ல குறிச்சுவச்சுக்க  .... நீ சிங்கத்த சொறண்டி பாத்த  நாள் . பதிலுக்கு பதில் நானும் சொறண்டுவேம்பு.

பின்னூட்டம் – அந்தமான் தமிழ் நெஞ்சன்   :

// எல்லாம் சரி... பாஸ் பன்னிட்டீங்களா ? பூட்டுக்கிச்சா?//

என் ஓட்டம் – ஜீவன்சுப்பு  :

               அய்யய்யோ...! இப்பத்தான்யா கிளாசுக்கே போயுருக்கேன் . அதுக்குள்ளே புட்டுக்குச்சாவா ...? நல்லா கேக்குறாங்கய்யா கேள்வி ?  ஏற்கனவே தலகாணி சைஸ்ல இருக்க புக்க பாத்து கலவரம் ஆகி இருக்கேன் . நீங்க வேற கடுப்புல துடுப்பு போடுறீங்க .

அப்பாடி .... முடியல .  நா என்ன முடிவு பண்ணி.......

“வீசும் வெளிச்சத்திலே துகளாய் நானிருப்பேன் அட அட டட டா .... “

இருங்க பாஸ் போன் வருது , “அய்யய்யோ...!  போன் வரல புயல் வருது....... பொண்டாட்டிஈஈ.ஈ..!.”

“சொல்லு செல்லம் ....!”

“...........”

“என்னது பிளாக்கரா ...? “

“..........”

“டார்லிங் ..! எனக்கு லாக்கர் தெரியும் , புரோக்கர் தெரியும் , அது என்னாது பிளாக்கர் ....? ஹைபிரிட் பண்ணுன பிளாக்காயா ...? “

“.........”

“அய்யோ , நெசமாத்தாண்டா ..! காட் பிராமிஸ் எனக்கு தெரியாது குட்டிம்மா .“

“.......”

“என்னாது ...? காதலா ...? அய்யோ தப்பு , தப்பு .. அபச்சாரம் அபச்சாரம் .. கன்னத்துல போட்டுக்க.”

“........”

ஹலோ..! புச்சிம்மா...! .ஹல்லோலோஓஓஓ.....!

டொய்ங் ...! டொய்ங் ..! டொய்ங் ...!

மாப்பு வச்சுடாய்ங்கடா ஆ.....ப்...ப்...பூ...பூ...பூ...பூ .....!

நா ஆணியே புடுங்கல ... எம்.பி.ஏ வே படிக்கல ... டிஸ் கண்டினியு பண்ணிட்டேன் போதுமா ...?