வரப் போற விஸ்வரூபங்கள் ....!

 இப்போ     : என் மன வானில் எண்ணங்களாக ...!

விரைவா :  வலைப்பூவில் வண்ணங்களாக ....!

படத்துக்கு மட்டுந்தான் வெளம்பரமா..?  பதிவுக்கும் போடுவோம்ல ...!

அந்த தசாவதார விஸ்வரூபங்கள் ...!

1. நான் அவன் இல்லை ...!
 2. வாங்க சொர்க்கத்துக்கு போகலாம் ...!
 3. கருமத்தம்பட்டி டூ பூலாங்குறிச்சி - "வலி "- திண்டுக்கல் .
 4. களப்புக்கட...! வழியாக  ரிட்டர்ன் டு கருமத்தம்பட்டி .....!
 5.பறவையே எங்கு போகிறாய் ...?
 6.ஆனந்த விகடன் - ஃபுல் மீல்ஸ் டு வெரைட்டி ரைஸ் ... !
 7. இங்கு கொழந்தை தொழிலாளர்கள் தயாரிக்கப்படுகிறார்கள்.
 8. காவன் ரூனா சூனா பானாவின்  பார்வையில - காவன் ரூனா பாவன் ழானா...!
 9.டாலர் நகரமும்  நானும் - (க.கா அண்டு நி.கா.)
 10. முரண்பாடு , சமன்பாடு , பெரும்பாடு .....!

இதையெல்லாம்,  நேரடியாவே DTM  ல அதாங்க DTH மாதிரி ( DIRECT TO MAIL ) வெளியிடலாம்னு ஒரு ஐடியா இருந்துச்சு, ஆனா சில எதிர்ப்புகள் காரணமாவும் போனியாகதுன்னு நம்பத்தகுந்த வட்டாரங்கள் சொன்னதாலும்  வலைப்பூவுலையே  ரிலீஸ் பண்ணிடலாம்னு தயாரிப்பு  தரப்புல முடிவு  பண்ணிருக்கோம் .

இந்த தசாவதார விஸ்வரூபங்கள் ல உங்களுக்கு எதுன்னா உடன்பாடில்லைனா நீங்க என்கிட்டே தான் சொல்லனும் . நாம  பேசி ஒரு சுமுகமா முடிவு பண்ணிக்குவோம் . என்ன சரிதானே . சரி சரின்னு மண்டய மண்டய ஆட்டிட்டு அப்ரமாட்டிக்கு "அம்மா" ட்ட போட்டுகுடுத்து பதிவுக்கே தட போட்டுடக்கூடாது . பேச்சு பேச்சாத்தான் இருக்கணும் ...!

அப்டில்லாம் ஆகாது , ஒருவேள , ஒருவேள அப்டி எதுன்னா ஆச்சுன்னா, நா சகிப்பு தன்ம உள்ள ஆந்திரா , பம்பாய் ன்னு வேறு வலையுலகத்துக்கு போய்டுவேன் . அங்கயும் இல்லனா அடிமையா இருந்தாலும் , இறந்தாலும் பரவா இல்லன்னு ஆங்கில வலைக்கு போய்டுவேன் .

இந்த நேரத்துல என்ன பின் தொடர்ற அந்த பன்னிரெண்டு பேர்க்கு நா என்ன சொல்லிகிறேன்னா ....!

எவ்ளோ எதிர்ப்பு  வந்தாலும் சரி  , உங்க வலைல  வைரஸ் குண்டு  போட்டாலும் சரி  எந்த நேரத்துலயும் கொந்தளிச்சு யாரையும் தாளிச்சுற கூடாது.

என்ன சொல்றீங்க .. வலை மாறக்கூடாதா .. ச்ச ச்ச .. அது ஒரு கவலயில சொன்னது , கோவம் -லாம் இல்ல.

எப்பவும் அமைதியா இருக்கோணும் என்ன..? எப்பவுமே அகிம்சையும் , அமைதியும் தான் ஒசந்தது . ஜெய்கிந்த் ....!

( ஆகா ஆரம்பத்துல இருந்து கடசி வரைக்கும் எல்லாமே சமகாலத்தோட  ஸின்க் ஆகுதே . ஒலக மகா  ரசிகசிகாமணிகள் யாரும் ஒண்டிக்கு ஒண்டி வந்துடாதிங்கப்பா .. நா ஒரு டம்மி பீசு ...)

ஆனா ஒன்னே ஒன்னு . இந்த "நான் அவன் இல்லை" ங்கற விஸ்வரூபத்த மட்டும் சீக்கிரம் வெளில வுடனும் . நெறையப் பேருக்கு நன்றிகடன் தீக்கனும் .

எண்ணங்களும் , வண்ணங்களும் சேந்த  பின்னாடி, உங்க வூடு தேடி இந்த வண்ணத்துபூச்சி பறந்து வரும்.