விஜய் டீவி - மகாபாரதம் டூ ஆபிஸ் ....!

"திருமணமாகி சிங்கிள் பெட்ரூம்ல குடியிருக்குற ஓர் ஆண்மகனுக்கு மட்டும்தான் சீரியல் பார்ப்பதின் வலி தெரியும் ....!".

சீரியல் :

எல்லா சேனல்களிலும் ஜவ்வு மிட்டாயாக சீரியல்களை இழுக்க , விஜயில மட்டும் பஞ்சு மிட்டாயாக சீக்கிரம் கரைந்துவிடும் சீரியல்கள் ரெம்ப நல்லா இருந்தது . பட் இப்ப இங்கயும் ஜவ்வா இழுக்க ஆரம்பிச்சுட்டாங்க .

சரவணன் மீனாட்சி :

கல்யாணத்துக்கு ஒரு வருஷம் , அப்புறம் குழந்தை பிறக்குறதுக்கு அடுத்த ஒரு வருசம்னு இழுத்தடிச்சவுங்க இரெண்டே எபிசோடுல இருவது வருசத்த தாண்டினது பெரிய சோ(சா)தனை .

(சரவணன் & மீனாட்சி மகனுக்கு பொண்ணு பார்க்குறாங்கப்பா ... மிடில ...). வெகு விரைவில் முடியபோகுதாம் . அப்பாடா ....!

தாயுமானவன் :

அஞ்சு பொண்ணுங்க ஒரு அப்பா ...! வாரா வாரம் ட்விஸ்ட் & டர்ன் ன்னோட பரவா இல்லாம போயிட்டுருக்கு . பாரதி ன்னு ஒரு கேரக்டர் எ.எ ஜெய் மாதிரி அஞ்சு மடங்கு அப்பாவி & அப்புறம் ஒரு அழுகாச்சி அப்பா ..! மகா & கல்யாணி நல்ல நடிப்பு .

ஆபீஸ்  :

மரண மொக்கையான ஒரு நாடகம் ....! எந்தெந்த கலர்களில் பிளைன் சர்ட் மார்க்கெட்ல இருக்கும்னு இந்த நாடகத்த பார்த்தா தெரிஞ்சுக்கலாம் . ஆண்கள் எல்லாம் ஏசியன் பெயின்ட் விளம்பர மாடல் மாதிரியே சுத்தினு திறியுராங்கப்பா ....!

மகாபாரதம் :

சின்ன வயசுல பிளாக் அன்ட் ஒயிட்ல  டி.டி ல பார்த்தது . இப்பொழுது ரெம்ப கலர்ஃபுல்லா விஜய் ல ஆரம்பிச்சுருக்காங்க . ரிச்சான ஒளிப்பதிவு , சூப்பரன கிராஃபிக்ஸ், நல்ல நடிகர்கள் , அருமையான லொக்கேசன்ஸ் & செட்ஸ் , அழகான தமிழ் வசனம்னு ரெம்பவே நல்லா போயிட்டுருக்கு . என்ன ஒன்னு ஏழு மணிக்கு போடுறாங்க ....! நெறைய நாள் பார்க்க முடிவதில்லை . எட்டு , எட்டரை மணிக்கு மேல போட்டா பரவா இல்ல , இன்னும் நெறைய பேரு பார்க்கலாம் ....!

ஆச்சி தமிழ் பேச்சு :

                        ரெம்ப நல்ல நிகழ்ச்சி . தமிழ்ல பேசுறதுனா தூய தமிழ்ல்ல தான் பேசணும்னு நினைக்குறவங்களுக்கு நெல்லை கண்ணன் அவர்கள் பேசும் ஆங்கில கலப்பில்லா எளிய பேச்சுத்தமிழ் நல்ல உதாரணம் . அடுத்தடுத்து அவர் மேற்கோள் காட்டும் குறள் , கவிதை , சங்க இலக்கியம் , சமகால நிகழ்வுகளின் நக்கல்கள்  ன்னு நிகழ்ச்சியின் ஆதாரமே அவர்தான் . தமிழ் கடல்னு ரெம்ப சரியாத்தான் பட்டம் கொடுத்துருக்காங்க . பங்கேற்பாளர்கள் கூட அவர்மேல அளவுகடந்த மரியாதையையும் , அன்பையும் வைத்திருக்கின்றார்கள் . பாராட்டோ , திட்டோ உணர்வுகளை உடனே வெளிப்படுத்திவிடுவது அவரது மற்றுமொரு சிறப்பு .

என்னாச்சுன்னு தெரியல கடந்த இரண்டு வாரமா நெல்லை கண்ணன் அவர்களுக்கு பதிலாக தமிழச்சி தங்கபாண்டியனும் & வழக்கறிஞர் அருள்மொழியும் நடுவர்களாக வந்திருக்கின்றார்கள் . நடுவர்கள் ஆங்கில கலப்போடு பேசுவது நிகழ்ச்சியின் முரண் . நிச்சயமா நெல்லை கண்ணன் ஐயா இல்லாமல் நிகழ்ச்சி கொஞ்சம் இல்ல நல்லாவே தடுமாறுது  .......! தமிழ் கடலுக்கு இணையா வேறு யாரை போட முடியும் ..?

தொகுப்பாளர் சூர்யா அழகான கவிதை, நாசூக்கான கேள்விகள் னு இப்ப அசத்த ஆரம்பிச்சுருக்கார். .

ஜோடி :

         குடும்பத்தோட பார்க்கும் நிகழ்ச்சின்னு விளம்பரத்துல சொல்றாங்க . ஆனா குடும்பத்துல இருக்குறவங்க எல்லாம் தனித்தனியாத்தான் பார்க்கணும் அவ்ளோ அசிங்கமான அசைவுகள் & இரட்டை அர்த்தம்  . ரோபோ சங்கர் பண்றதெல்லாம் டான்ஸ் இல்ல அதுக்கு பேரு ..............................!

சூப்பர் சிங்கர் :

சூப்பர் சிங்கர் - தமிழகத்தின் தூக்க மாத்திரை ...!

கொஞ்ச நாளா ஒதுக்கி வச்சுருந்த நெஞ்ச .........ற செண்டிமென்ட்ஸ் ஸ மறுபடியும் அரம்பிச்சுட்டாங்க. சூப்பர் சீனியர் அல்கேட்ஸ் ஐ நல்ல மரியாதையோடு (டைரக்ட் வைல்ட் கார்டு வாய்ப்போடு ) போட்டியில் இருந்து நீக்கியது பாராட்டுக்கு உரியது .

ரெண்டு வாரத்திற்கு முன் நடந்த பக்திப்பாடல்கள் சுற்று நல்லாருந்துச்சு , பட் போன வருஷம் ஜூனியர்ஸ் பாடுனபோது இருந்த வைப்ரேசன் இந்தவருசம் மிஸ்ஸிங் . இந்த வாரம் ராஜா ஹிட்ஸ் .

MY WISH LIST …

திவாகர் .

ஆந்திராகாரு .

பார்வதி .

தீப்தி .

அல்கேட்ஸ் / ரமேஸ் .

போட்டியில் ஜெயித்தாலும் , தோற்றாலும் திவாகரின் குரலை அடுத்த தலைமுறை நடிகர்களின் ஒப்பனிங் சாங்கில் கேட்கலாம் .

என்றென்றும் புன்னகையுடன் J

ஜீவன்சுப்பு .