Dec 7, 2013

இதற்குப் பெயர்தான் ஆஆஆஆஆஆஆஆஆஆஆஆஆஆ........மா ?







உயர்தர உணவகங்கள் , நட்சத்திர விடுதிகள் , பன்னாட்டு நிறுவனங்கள் இங்கெல்லாம் போகும் என்னைப்போல சாமான்யன்களுக்கு நிறைய அவஸ்தைகள் இருக்கு . அதிலொன்று கழிவறைகளை “பால்” பிரிப்பது . ஆண் , பெண் என்று பலகையும் இருக்காது , புகைப்படமும் இருக்காது . இரண்டிற்கும் பதிலாக, குறியீடாக பொம்மைப்படம் (CLIP ART) போட்டிருப்பார்கள் .

சும்மாவே, குறியீடுகளுக்கும் நமக்கும் வெகுதூரம் . இதில் சோடாப்புட்டிவேறு, சொல்லவும் வேண்டுமா அவஸ்தைகளுக்கு . அடக்கமுடியாத அவசரத்தில் போய்க்கொண்டிருப்பவனை நிறுத்தி, ஆறு வித்தியாசங்கள் கண்டுபிடிக்கச் சொல்வது போலத்தான் இது . தொலையட்டும்... விசயத்திற்கு வருகிறேன் .

போன வாரம் கோவை FUN MALL க்கு ஜன்னல் ஓரம் படத்திற்கு சென்றிருந்தேன் . கடந்த பத்து நாள்களாக மொத்த கோவையுமே FRIDGE ல் வைத்தது போலத்தான் உள்ளது . போதாக்குறைக்கு, மொத்த திரையரங்கமும் குளிரூட்டப்பட்டிருந்ததால் FREEZER ல வைத்தது போல ஆகிவிட்டது. அடுத்த முறை ஜெர்கின் எடுத்துப்போகவேண்டும் .

இடைவேளை விட்ட அடுத்த நொடி முதல் ஆளாக வெளியேறி , கழிவறை தேடுதல் வேட்டையில் இறங்கி , பின் அங்கிருந்த பணியாளரிடம் உறுதி செய்த பின்னே கழிவறைக்குப் போனேன் ...   

ஏற்கனவே ஒருமுறை திசைமாறிப்போய் வசைமாறி வாங்கிய அனுபவம் உண்டென்பதினால், உள்ளே நுழையும் முன் அறிவிப்பு பலகயை ஒருமுறை பார்த்துக்கொண்டேன் . எதிர்பார்த்ததைப்போலவே பொம்மைப்படம் – பக்கத்தில் GENTLEMAN என்று எழுதியிருந்தார்கள்- அப்பாடா .....! அட...! அதற்கு கீழே தமிழிலும் – “மதிப்பிற்குரிய ஆண்கள்” . (நல்லா பெயர்க்குராங்கய்யா மொழிய ..!).

அடக்கமுடியாத அவசரத்திலும் , ஆர்வக்குறுகுறுப்பு மேலோங்க ABOUT TURN அடித்துப்பார்த்தேன் – அங்கேயும் பொம்மை – பக்கத்தில் LADIES , அதற்கும் கீழே “பெண்கள்” – அவ்வளவுதான் .

இதற்குபெயர் தான் ஆஆஆஆஆஆஆஆஆஆ......................மா ?


என்றென்றும் புன்னகையுடன் J
ஜீவன்சுப்பு .




12 comments:

  1. நல்லா முழி பெயர்க்கறாங்கப்பா! :)

    பல இடங்களில் இந்த தொல்லை உண்டு...... சில இடங்களில் HE / SHE என சுலபமான மொழியில் எழுதி வைத்திருப்பார்கள்......

    வட இந்தியாவில் பல இடங்களில் ஹிந்தியில் மட்டுமே எழுதி இருக்கும். ஹிந்தி தெரியாதவர்கள் பாடு திண்டாட்டம் தான்! :)))

    ReplyDelete
  2. ஹஹஹா.. அப்போ "ஆண்கள்" மட்டும்தான் மதிப்புக்குரியவர்கள் என்று ஜீவன் சுப்பு கூறுகிறார் என்று எடுத்துக் கொள்ளலாமா?

    ReplyDelete
  3. வணக்கம்
    பதிவு அருமை வாழ்த்துக்கள்

    -நன்றி-
    -அன்புடன்-
    -ரூபன்-

    ReplyDelete
  4. நல்ல மொழிபெயர்ப்பு...
    இங்கும் அதே பிரச்சினைதான்...

    ReplyDelete
  5. என் அலுவலகத்தில் எதாவது புதிய கட்டிடத்தில் இருக்கும் டாய்லெட்டினுல் நுழையும் போது பலமுறை கிளிப்ஆர்டை பார்த்துவிட்டு உள்ளேன் சென்றாலும், உள்ளே பார்த்தால் தான் நிம்மதி வருகிறது :-))))))))) அவ்வ்வ்வ்வ்

    இதாவது பரவாயில்லை, ஒரு கட்டிடத்தில் அந்த இடத்தில ராஜாவின் படத்தையும் ராணியின் படத்தையும் வரைந்திருப்பார்கள்...

    கலிகாலமடா சாமி...

    ReplyDelete
  6. gentlemanன்னு போட்டு இருந்தா நீங்க ஏன் போனீங்க சுப்பு ?
    த.ம 2

    ReplyDelete
  7. சுப்பு, அது சரி அங்கேயும் அப்படித்தானா? திறந்த வெளி புல்களை கழகத்தில் இந்தப் பிரச்சினை இல்லை.

    ReplyDelete
  8. அங்கயாவது மதிப்பு இருந்துட்டுபோகட்டுமே சுப்பு.

    ReplyDelete
  9. பாவம் ஆண்களுக்கு அவர்கள் மரியாதையை
    இப்படிதான் தெரிந்துகொள்ளவேண்டிய நிலை.
    பொழச்சு போங்க ...........

    ReplyDelete
  10. அனைவருக்கும் நன்றி .

    ReplyDelete

Related Posts with Thumbnails